Por X.M. Fernández | Allariz | 14/05/2021 | Actualizada ás 21:30
A XI edición do Festival Internacional de Xardíns de Allariz abrirá a súas portas este sábado 15 de maio ás 19:00 h. para que toda aquela persoa que queira se achegue a descubrir os Xardíns da Poesía.
Esta iniciativa é un proxecto único a nivel nacional que ofrece a todos os veciños e veciñas a posibilidade de gozar dun novo espazo recuperado para uso público, na marxe dereita do río Arnoia, e que atrae tamén a moita xende de fóra dada a súa orixinalidade e singular beleza.
"Coa súa realización damos un paso moi importante na consecución do Corredor Temático do río Arnoia que fai do noso río un elemento de identidade, de ocio, de gozo da natureza e tamén de dinamización económica", afirman dende o Concello de Allariz.
No Festival deste ano, que durará ata outubro e que se presenta baixo a temática "Xardíns de Poesía", conta con dez propostas a concurso que recrean o ambiente emocional de poetas e/ou movementos poéticos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.