A Deputación de Pontevedra transifre case medio millón de euros para obras en varios concellos

A Deputación de Pontevedra acordou esta semana unha nova transferencia por un valor total de 486.654 euros aos concellos de Arbo, Cambados, A Illa de Arousa e Forcarei, para que financien a mellora de infraestruturas viarias e instalacións municipais. Trátase de transferencias aprobadas na xunta do goberno provincial ao amparo do 'Plan Concellos 2021', segundo informa a Deputación a través dun comunicado.

En concreto, con estes recursos o Concello de Arbo poderá acometer obras en dous camiños públicos do viario municipal en Cequeliños por 89.768 euros. En Cambados, cuxa administración local recibirá 119.528 euros, remodelarase a Praza da Xuventude para reparar filtracións de auga que afectan á primeira planta dun aparcadoiro.

Así mesmo, o Concello de Forcarei beneficiarase de 89.166 euros para rehabilitar o camiño de acceso a parcelas en Rabadeiras, cunha lonxitude de 2,1 quilómetros. Finalmente, A Illa de Arousa recibirá dúas achegas: unha de 120.000 euros para mellorar o illamento do pavillón deportivo e outra de 68.190 euros para o mobiliario dos xogos dos parques infantís das Laxes, Monte e Cabodeiro.

Reunión do goberno da Deputación de Pontevedra.. DEPUTACIÓN DE PONTEVEDRA | Fonte: Europa Press