Gabriel Alén cesa como representante da Fegamp no Consello Escolar de Galicia

A Consellería de Cultura, Educación e Universidade publicou o cesamento de Gabriel Alén Castro, actual delegado territorial da Xunta en Ourense, como representante das entidades locais no Consello Escolar de Galicia.

O Diario Oficial de Galicia publica este martes o decreto (que entra en vigor este mércores) no que se formaliza a substitución de Alén Castro por Manuel Prado López, a proposta da Federación Galega de Municipios e Provincias.

Gabriel Alén Castro, exrexedor de Cenlle polo PP, foi nomeado delegado da Xunta de Galicia en Ourense en setembro do pasado ano, en substitución de Marisol Díaz Mouteira.

O delegado territorial da Xunta en Ourense, Gabriel Alén, durante a reunión celebrada de modo telemático. XUNTA | Fonte: Europa Press