O Indicador Abanca-Fondo de Coxuntura apuntou un incremento da actividade económica galega en marzo
A variable con peor comportamento en marzo foi o transporte marítimo de mercadorías cargadas e descargadas, que caeu un 3%.
Por E.P. | SANTIAGO DE COMPOSTELA | 27/05/2021 | Actualizada ás 14:53
A actividade económica aumentou un 1,2% en Galicia en marzo en relación ao mesmo mes do ano anterior tras 12 meses en descenso, segundo o Indicador Abanca-Foro de Conxuntura Económica.
O incremento da actividade no mes de marzo deste ano, cando se aplicou unha relaxación das restricións establecidas tras o comezo da segunda onda da pandemia, supuxo unha mellora en relación ao mes de febreiro, que presentou unha caída do 4,4% en termos interanuais.
Ademais, o crecemento observado en marzo permitiu recuperar taxas positivas tras 12 meses en decrecimiento desde que en febreiro de 2020 se observase un aumento do 1,9%.
Precisamente, o mes de marzo deste ano representou o primeiro no que a comparativa interanual se realizou con respecto a un mes afectado pola pandemia da covid-19.
Por este motivo, o Indicador Abanca-Foro de Conxuntura Económica previu que se rexistren valores "moi elevados nos próximos meses", de dous díxitos, e será "unha especie de camiño de volta das caídas rexistradas ao longo dos 12 meses anteriores".
Deste xeito, sinalou que canto máis se acheguen, en valor absoluto, os valores de indicador negativos de 2020 e os positivos de 2021, antes se acadará o nivel de actividade económica anterior á pandemia.
Adicionalmente, a análise parcial das variables recollidas no Indicador Abanca mostrou "un espectacular comportamento" da matriculación de vehículos e as variables turísticas con crecementos interanuais superiores ao 100%.
Mentres, a variable con peor comportamento en marzo foi o transporte marítimo de mercadorías cargadas e descargadas, que caeu un 3%.
