Por E.P. | Santiago de Compostela | 01/06/2021 | Actualizada ás 19:53
As matriculacións de turismos e todoterreos en Galicia situáronse en 2.178 unidades o pasado mes de maio, o que supón un aumento do 78,2% en comparación co mesmo mes de 2020, a metade que o incremento da media (+178%), segundo os datos de Faconauto.
De xaneiro a maio, as vendas alcanzaron as 9.907, un 23% máis que no mesmo período do ano pasado, o do estalido da pandemia de coronavirus.
No conxunto estatal, as matriculacións de turismos e todoterreos en España situáronse en 95.403 unidades o pasado mes de maio, o que supón un aumento do 178% en comparación co mesmo mes de 2020, pero un 24% menos se se ten en conta o dato de maio de 2019 (último ano antes da pandemia).
Segundo cifras das asociacións de fabricantes (Anfac), concesionarios (Faconauto) e vendedores (Ganvam), no que vai de ano as vendas de coches acumulan un ascenso do 40%, con 360.057 unidades, aínda que caen un 35,9% respecto do primeiros cinco meses de 2019.
Estes valores mostran que a pesar de que o mercado xa contabiliza datos superiores aos do ano pasado, aínda se atopa lonxe de alcanzar os rexistros de exercicios anteriores á chegada do coronavirus.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.