Galicia supera as 720.000 persoas inmunizadas con máis do 30% da poboación coa pauta completa
En total, 1.256.296 persoas recibiron polo menos unha dose da vacina en toda a Comunidade galega, 24.038 máis que a xornada anterior, que supoñen algo máis dun 53 por cento da poboación a vacinar en Galicia.
Por Europa Press / Redacción | SANTIAGO DE COMPOSTELA | 03/06/2021 | Actualizada ás 16:54
O 30,53 por cento da poboación de Galicia susceptible de recibir a vacina contra a Covid-19 conta coa pauta completa tras concluír o proceso 721.447 persoas, que supoñen 3.524 cidadáns máis que o día anterior.
Así se reflicte nos datos actualizados na mañá deste xoves pola Consellería de Sanidade con rexistros ata o peche da xornada de vacinación do mércores, nos que se indica que se administraron 1.935.286 dose, que implican 32.987 máis que a xornada anterior, o 93,3 por cento das 2.074.075 doses recibidas por Galicia ata o momento.
Por grupos de poboación vacinados por condición de vulnerabilidade, administrouse polo menos unha dose a 14.154 persoas de alto risco (+45) e 12.661 completaron a pauta (+51); mentres que 17.699 dependentes non institucionalizados recibiron polo menos unha dose (+27) e 16.204 contan coa pauta completa (+51).
Así mesmo, 23.807 persoas institucionalizadas recibiron polo menos unha picada e 23.204 finalizaron o proceso, segundo os datos actualizados este xoves.
En canto aos vacinados por probabilidade de exposición, 74.730 traballadores do ámbito sanitario recibiron polo menos a primeira picada e 60.927 completaron o proceso (+656). Ademais, administrouse polo menos a primeira inxección a 29.001 profesionais do ámbito sociosanitario e 21.883 coa pauta completa (+393).
Tamén recibiron polo menos unha dose da vacina contra a Covid 64.908 traballadores esenciais e 2.643 completaron o proceso (+89). En canto ás persoas que se vacinaron pola súa idade, hai 1.031.981 galegos aos que se administrou polo menos unha dose e 584.119 teñen a pauta completa.
GRUPOS DE IDADE
Por grupos de idade, vacináronse ata a data 130.549 persoas maiores de 85 anos (+41); 95.555 de 80 a 84 anos (+34); 133.003 de 75 a 79 anos (+134); 150.694 de 70 a 74 anos (+402); 150.415 de 65 a 69 anos (+149); 168.471 de 60 a 64 anos (+91); 176.368 de 55 a 59 anos (+435) e 133.211 de 50 a 54 anos (+25.618).
Deste xeito, ata a data recibiron polo menos unha dose 1.138.266 persoas maiores de 50 anos no conxunto de Galicia, que supoñen un 89,14% das susceptibles de vacinarse a partir desa idade.
A estas súmanse 31.258 persoas de 45 a 49 anos (+39); 28.199 de 40 a 44 anos (+32); 20.546 de 35 a 39 anos (+20); 16.518 de 30 a 34 anos (+28); 13.416 de 25 a 29 anos (+26); 7.358 de 20 a 24 anos; 734 de 15 a 19 anos (+1). De 10 a 14 anos, mantense nun.
Por tanto, ata a data 1.256.296 persoas recibiron polo menos unha dose da vacina en toda a Comunidade galega, 24.038 máis que a xornada anterior, que supoñen algo máis dun 53 por cento da poboación a vacinar en Galicia.
