Por E.P. | | 04/06/2021 | Actualizada ás 14:40
Renfe recuperará dúas novas conexións entre Vigo e A Coruña desde este luns ata alcanzar as 18, fronte ás 20 coas que contaba este tramo antes da pandemia da covid-19.
Segundo detallou a operadora ferroviaria, a oferta de trens de Media Distancia por vía de altas prestacións do Corredor Atlántico entre as dúas principais cidades galegas incrementarase con dúas conexións máis.
En concreto, un novo tren circulará a diario entre a estación de Vigo-Urzáiz, da que partirá ás 21,35 horas, e a da Coruña, na que finalizará o seu traxecto ás 23,07 horas.
En sentido contrario, un tren partirá da cidade herculina ás 13,45 horas en dirección á terminal de Vigo-Urzáiz, onde chegará ás 15,14 horas. Ademais, servirá de ligazón en Santiago de Compostela co Alvia que sae de Madrid ás 9,28 horas e finaliza o seu traxecto na estación da Coruña ás 14,40 horas. Deste xeito darase servizo aos clientes con destino a Vilagarcía de Arousa, Pontevedra e Vigo-Urzáiz.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.