Case o 40% dos feridos nos 44 accidentes da fin da semana ten entre 20 e 34 anos
Houbo un morto e 55 persoas feridas.
Por Europa Press / Redacción | SANTIAGO DE COMPOSTELA | 07/06/2021 | Actualizada ás 12:55
Urxencias Sanitarias de Galicia-061 atendeu a 55 persoas debido a 44 accidentes de tráfico rexistrados durante o pasado fin de semana na rede viaria galega, das que unha morreu.
Segundo informou o 061, a Central de Coordinación recibiu entre as 15,00 horas do venres 4 de xuño e as 23,59 horas do domingo 6 un total de 55 chamadas en relación con accidentes de tráfico. O sábado foi a xornada con máis incidentes, con 23 sinistros.
Os recursos sanitarios mobilizados polo 061 ascenderon a 57. En concreto, as ambulancias realizaron 51 saídas; unha un helicóptero medializado; e os equipos sanitarios de Atención Primaria prestaron asistencia en cinco accidentes.
En 49 casos os feridos foron trasladados aos centros sanitarios correspondentes; en cinco ocasiones recibiron atención no lugar do accidente e unha persoa faleceu no punto do sinistro. A proporción de homes atendida ascendeu ao 62 por cento e a de mulleres reduciuse ao 38%. En canto ás idades dos feridos, o 38% dos asistidos tiña entre 20 e 34 anos.
A Coruña, con 19 accidentes, foi a provincia con máis sinistros durante os desprazamentos do fin de semana; seguida de Pontevedra, con 12; Lugo, con oito; e Ourense, con cinco.
