Realizan simulacros de actuacións contra o lume na Estrada e Culleredo

Por E.P. | Santiago de Compostela | 08/06/2021 | Actualizada ás 17:33

Comparte esta noticia

Traballadores do servizo de extinción da Xunta (Spdcif) realizaron, este martes, simulacros de actuacións de loita contra o lume nos concellos da Estrada (Pontevedra) e Culleredo (A Coruña).

Simulacro de incendio na Estrada. XUNTA
Simulacro de incendio na Estrada. XUNTA | Fonte: Europa Press

En concreto, no simulacro na parroquia de Liripio, na Estrada, participaron membros dos distritos forestais de Deza-Tabeirós (XVI) e Caldas-O Salnés (XIX). Mentres, no monte Xalo, na parroquia de Celas, en Culleredo, estiveron do distrito Bergantiños-Mariñas (II).

Estas preparacións realízanse sobre situacións operativas 1, que supón afectación a masas forestais e de forma leve a persoas e bens.

Así mesmo, realizáronse adestramentos específicos sobre comunicacións Tetra, manobras de autoprotección e coordinación de medios.

No caso da Estrada, participaron cinco técnicos, catro axentes, catro brigadas, catro motobombistas e tres emisoristas.

En Culleredo estiveron dous técnicos, tres axentes, tres brigadas e tres motobombas. Tamén estivo persoal de Protección Civil de Culleredo e A Laracha para dar apoio loxístico.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta