Achan o corpo sen vida dun home nun río de Caldas de Reis

O corpo sen vida dun home foi achado flotando nun río situado no municipio pontevedrés de Caldas de Reis, nas proximidades da rúa Sega de Abaixo.

Segundo informou o CIAE 112 Galicia, foron os axentes da Policía Local os que deron conta dos feitos uns minutos antes das 18,30 horas deste martes.

Tras iso, desde o Centro Integrado de Atención ás Emerxencias (CIAE) 112 pasouse o aviso aos Bombeiros do Salnés, á Agrupación de Voluntarios de Protección Civil de Caldas de Reis, a Urxencias Sanitarias de Galicia-061 e á Garda Civil.

Encoro do río Umia, en Caldas de Reis | Fonte: Luis Miguel Bugallo Sánchez.