Controlados os incendios de Salvaterra e do Courel tras arrasar máis de 500 hectáreas

O lume en Salvaterra fixo necesario activar a Situación 2 pola proximidade a casas.

Por Europa Press / Redacción | SANTIAGO DE COMPOSTELA | 13/06/2021 | Actualizada ás 14:18

Comparte esta noticia

Os incendios dos municipios de Salvaterra de Miño e Folgoso do Courel quedaron controlados esta madrugada de luns tras queimar 350 e 160 hectáreas, respectivamente.

O lume en Salvaterra iniciouse ás 21,51 horas do sábado na parroquia de Uma. Tamén afectou os municipios veciños de Mondariz e Covelo. Foi necesario activar a Situación 2 pola súa proximidade ás casas tanto no núcleo de Maceiras, en Salvaterra, como en varios de Mondariz --en Mouriscados, Fontabalán e Crespos--; unha medida preventiva que se desactivou o domingo pola mañá.

De tal forma, o lume, que ten unha superficie provisional queimada de 350 hectáreas, foi controlado ás 00,14 horas deste luns. Traballaron, entre outros medios, dous helicópteros, 55 brigadas, 33 motobombas, 15 axentes, dúas pas e un técnico.

Pola súa banda, o incendio de Folgoso do Courel iniciouse ás 4,50 horas da madrugada do sábado e foi controlado ás 1,28 horas da madrugada do luns. Afecta a 160 hectáreas na parroquia homónima deste municipio. Traballaron: nove avións, dous helicópteros, 20 motobombas, 45 brigadas, 14 axentes, unha pa e un técnico.

Labores de extinción do incendio forestal que se orixinou a pasada madrugada na contorna da localidade de Ferreirós de Abaixo, no municipio de Folgoso do Courel, a 12 de xuño de 2021, en Lugo, Galicia (España). O incendio forestal queimou unha. Carlos Castro - Europa Press
Labores de extinción do incendio forestal que se orixinou a pasada madrugada na contorna da localidade de Ferreirós de Abaixo, no municipio de Folgoso do Courel, a 12 de xuño de 2021, en Lugo, Galicia (España). O incendio forestal queimou unha. Carlos Castro - Europa Press | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta