Por Europa Press / Redacción | A CORUÑA | 15/06/2021 | Actualizada ás 18:18
A obra "Nós Seis", da coruñesa Julia Lago, é a gañadora do XVI Premio Castelao de Banda Deseñada que convoca a área de Cultura da Deputación da Coruña. A que é a primeira obra individual da autora recrea a historia de represión dunha nena ferrolá nun internado no franquismo, informa o organismo provincial.
O xurado considerou que a obra "destaca por ter un tratamento maduro, unha composición fluída e ben secuenciada a través dun debuxo de síntese moi efectivo".
Destaca tamén o tema elixido pola autora "pola maneira e como aborda a situación da muller, é unha reflexión sobre a represión durante a ditadura que supón un exercicio moi necesario de memoria histórica, baseado nunha historia real", a da súa avoa.
OBRA DE RAÜL REFREE
Por outra banda, o produtor Raül Refree traballará, desde o Pazo de Mariñán, en Bergondo no concepto sonoro do seu próximo traballo ao redor da tradición musical galega.
O programa 'Patrimonio GZ Sons!', da área de Cultura da Deputación da Coruña, acolle no pazo esta iniciativa na que Raül Refree abordará durante esta semana unha revisión da música tradicional galega desde a contemporaneidade.
OUTRAS ACTUACIÓNS
Ademais, no marco das iniciativas impulsadas pola Deputación da Coruña, a Fundación Equipo Humano, en colaboración coa Deputación da Coruña e a Fundación Incyde, lanza unha nova edición do programa 'Búscanse Heroes', iniciativa cofinanciada a través do Fondo Social Europeo.
Este programa de mellora da empregabilidade e apoio ao emprendimiento dirixido a 96 mozos e mozas residentes en Galicia menores de 30 anos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.