Por Europa Press / Redacción | Santiago de Compostela | 16/06/2021 | Actualizada ás 11:05
A situación epidemiolóxica de Galicia segue con tendencia descendente en canto a casos activos de Covid-19, que baixan a 1.346, mentres que os pacientes ingresados por este coronavirus redúcense a 62 --cinco menos-- e os novos contaxios detectados mantéñense por baixo do centenar, con 65. Segundo os datos publicados na mañá deste mércores pola Consellería de Sanidade con rexistros ata as 18,00 horas deste martes, continúan 15 pacientes Covid en UCI --sen cambios-- e 47 noutras unidades --cinco menos--.
Por áreas sanitarias, a presión hospitalaria descende nas áreas da Coruña e Cee, Santiago e Barbanza, Vigo e Ferrol; mentres que se mantén na de Lugo, Ourense e Pontevedra e O Salnés. Así, na da Coruña e Cee aínda que aumentan a cinco os pacientes Covid en UCI --uno máis-- descenden a 19 os doutras unidades --tres menos--; e na de Vigo redúcense a dúas os críticos --dous menos-- e ascenden a sete os doutras unidades --uno máis--.
Na de Santiago e Barbanza continúa un paciente Covid en UCI e descenden a catro noutras unidades --un menos--; mentres que na de Ferrol ascenden a tres o críticos --un máis-- e baixan a catro os doutras unidades --dous menos--. Na de Ourense continúa un ingresado pola Covid en UCI e tres noutras unidades; na de Lugo segue un en críticos e catro noutras unidades; e na de Pontevedra e O Salnés, dúas e seis, respectivamente, tamén sen cambios.
MENOS CASOS ACTIVOS
En canto aos casos activos de Covid-19 acumulan 25 xornadas consecutivas de descenso e caen a 1.346, que implican 33 menos que a xornada pasada, ao haber máis altas (98) que contaxios (65). Por iso, mantéñense en niveis de mediados de agosto do ano pasado --o día 15 dese mes había 1.337--.
Por áreas sanitarias, as infeccións activas descenden nas de Vigo (-18), Lugo (-13), Santiago e Barbanza (-12), Ourense (-4) e Pontevedra e O Salnés (-4); mentres que aumentan nas da Coruña e Cee (+17) e Ferrol (+1). Deste xeito, a área da Coruña e Cee segue á cabeza con 401 casos activos de Covid; seguida da de Vigo, con 274; Lugo, 175; Ourense, 145; Santiago e Barbanza, 134; Pontevedra e O Salnés, 124; e á cola mantense a de Ferrol, con 93.
MÁIS CONTAXIOS
Pola súa banda, os novos contaxios de Covid-19 detectados por calquera tipo de proba en toda a Comunidade galega seguen por baixo do centenar en 65, despois de iniciar a última semana antes do verán con 56, e ascender lixeiramente a 60 o martes, o que supón cinco máis.
En concreto, no conxunto de Galicia foron confirmados 65 positivos por Probas Diagnósticas de Infección Activa (PDIA) nas últimas 24 horas, segundo os datos actualizados por Sanidade, dos cales case a metade, 30, corresponden á área da Coruña e Cee; nove, á de Vigo; sete, á de Lugo; seis, á de Ourense; cinco, á de Ferrol; cuarto á de Santiago e Barbanza; e outro catro á de Pontevedra e O Salnés.
Así, os contaxiados no conxunto de Galicia ascenden a 128.107; dos cales 30.750 corresponde á área da Coruña e Cee; 25.266, á de Vigo; 20.101, á de Santiago e Barbanza; 15.861, á de Ourense; 14.382, á de Pontevedra e O Salnés; 13.050, á de Lugo; e 8.697m á de Ferrol. Galicia realizou 2.314.801 PCR desde o inicio da pandemia, 3.662 probas máis que as contabilizadas ata o día pasado e un milleiro máis que as feitas a xornada anterior.
En canto á taxa de positividade, continúa por baixo do dous por cento ao situarse nun 1,5%, tras comezar a semana nun 1,1% e ascender lixeiramente a un 1,4% o martes. Deste xeito, mantense por baixo do 5% que a Organización Mundial da Saúde (OMS) fixa para dar por controlada esta pandemia. A última vez que Galicia excedeu esta barreira foi o 15 de febreiro.
VÍTIMAS E CURADOS
Mentres, as persoas falecidas diagnosticadas con Covid-19 desde o inicio da pandemia mantéñense en 2.430 ao non notificar a Consellería de Sanidade vítimas por cuarta xornada consecutiva. En concreto, os últimos óbitos notificados por Sanidade foron o venres pasado correspondentes a dúas mortes rexistradas un día antes, o 10 de xuño. En concreto, tratouse de dúas mulleres de 64 e 88 anos que permanecían ingresadas en Vigo e A Coruña, respectivamente. Ambas as con patoloxías previas.
Fronte a iso, 124.356 pacientes curáronse deste coronavirus no conxunto de Galicia, 98 persoas máis que as rexistradas ata a xornada anterior.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.