Pontón censura a postura do PP polos indultos: "O paso estallo marcando a extrema dereita"

A portavoz nacional do BNG, Ana Pontón, considerou que á "dereita o paso llo está marcando a extrema dereita", ante a oposición do PP aos indultos aos políticos cataláns e ante o apoio de empresarios e a Igrexa.

Pontón, que participou nun cume de cargos municipais do partido para celebrar o ecuador da lexislatura, destacou que "a dereita española está nun ciclo cada vez máis agudo á hora de reaccionar e querer camiñar cara atrás".

"Eles mesmos sitúanse nun corredor sen saída, e desde o BNG o que imos defender sempre é que a política é a solución para os problemas, fálese de Cataluña, do prezo da luz ou de que non se impoñan nas autovías unhas peaxes por circular que van lastrar o noso país", censurou.

A líder nacionalista subliñou que o que perseguen desde o BNG "é que haxa solucións, e desde logo todo o que vaia nesa dirección é positivo".

"Que a política se impoña fronte á imposición e a reacción que está a representar unha dereita onde dá a sensación que o paso o segue marcando a extrema dereita", resolveu

En canto a que se presente o 'Plan Nacional do Xacobeo' en Asturias, Ana Pontón emprazou a que "a Xunta explique porque non traballou" para que ese plan "se presentase en Galicia".

"Creo que o éxito do Xacobeo non dependerá de onde se presente senón de se hai unha estratexia que permita colocar Galicia no mapa e cun turismo de calidade e de futuro", concluía.