Por E.P. | SANTIAGO DE COMPOSTELA | 24/06/2021 | Actualizada ás 11:42
Casa Museo Rosalía de Castro de Padrón (A Coruña) acollerá este sábado, día 26 de xuño, o IV encontro do ciclo 'Xacobeo Peregrinas', no que profesionais de distintas disciplinas analizarán a comunicación a través da palabra, das redes ou da música; a ciencia e a docencia, así como o Camiño e a visión como peregrinas e como mulleres.
A iniciativa, impulsada de forma conxunta por Turismo de Galicia e a Secretaría Xeral de Igualdade, contará coa participación nesta sesión da directora xeral de Emprego, Traballo Autonómo e Economía Social, Covadonga Toca.
Segundo informou a Xunta nun comunicado, aínda que os encontros retransmítense vía streaming a través da canle de Youtube do Camiño de Santiago, como novidade este será o primeiro que se celebrará con participación presencial de público, conformado por asociacións e colectivos vinculados á muller e ao Camiño.
A escritora e comunicadora Isabel Chairos 'Isasaweis', a directora da axencia de viaxes especializada no Camiño, Tee Travel, Mar Rodríguez; a cantante e poeta Uxía Senlle e a neurocientífica e profesora, Sonia Villapol, serán as protagonistas desta nova sesión de encontros cos que se busca articular un relato do Camiño de Santiago desde o punto de vista de xénero.
O Camiño portugués servirá de fío condutor desta nova xornada que estará conducida pola xornalista e escritora María Solar. Despois de Santiago, Mondoñedo e Xunqueira de Ambía, este cuarto encontro servirá para sumar relatos, vivencias e conexións entre mulleres profesionais de distintas disciplinas e procedencias, dando a coñecer ao público os Camiños de Santiago desde outras perspectivas, a través dun formato innovador, atractivo e próximo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.