Por Europa Press / Redacción | SANTIAGO DE COMPOSTELA | 27/06/2021 | Actualizada ás 12:15
Galicia supera o 68% da poboación a vacinar contra a covid-19 con polo menos unha picada, 4.869 persoas máis que a xornada anterior, co que se supera o millón e medio de persoas cunha dose. Mentres tanto, 1.142.677 galegos contan xa coa pauta completa, 36.485 máis que na xornada anterior, o que representa o 48,36%.
Así se desprende dos datos actualizados na mañá deste domingo pola Consellería de Sanidade con rexistros ata o peche da xornada de vacinación do sábado, recollidos por Europa Press, que indican que se administraron 2.636.787 dose, 36.575 máis que o día anterior. Son o 96,08% das 2.744.115 recibidas ata a data.
GRUPOS DE IDADE
Se se reparte a toda a poboación vacinada en grupos de idade, ata o momento 131.111 persoas maiores de 85 anos recibiron polo menos unha dose (+3); 95.957de 80 a 84 anos (+2); 134.014de 75 a 79 anos (+14); 152.399 de 70 a 74 anos (+16); 157.990 de 65 a 69 anos (+37); 169.453 de 60 a 64 anos (+33); 182.180de 55 a 59 anos (+54) e 188.447 de 50 a 54 anos (+246).
Deste xeito, ata a data administrouse polo menos unha picada a 1.211.551 persoas maiores de 50 anos en Galicia, que supoñen 805 máis que a xornada anterior e representan un 94,88% dos galegos a vacinar a partir desa idade.
A estas engádense 195.231 persoas de 45 a 49 anos (+104) e 137.928 de 40 a 44 anos (+3.881). Deste xeito, ata a data foron vacinadas 333.159 persoas de 40 a 49 anos, 3.985 máis que o día anterior, que representan un 75,20% duns 443.000 cidadáns desta franxa de idade.
Por tanto, 1.608.360 persoas recibiron polo menos unha dose da vacina en toda Galicia, que constitúen 4.869 máis que a xornada anterior. Con estas cifras, o 68, 07% da poboación diana xa está vacinada na Comunidade galega.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.