'A lingua das bolboretas', de Sarabela Teatro, lidera os nomeamentos aos XXV Premios María Casares
Competirá a mellor espectáculo con 'Dreaming Juliet', 'Bailar Agora' e 'Microspectivas dun marica millenial'
Por E.P. | Compostela | 30/06/2021 | Actualizada ás 21:34
'A lingua das bolboretas', de Sarabela Teatro, con oito finalistas, lidera os nomeamentos aos XXV Premios de Teatro María Casares, organizados pola Asociación de Actores e Actrices de Galicia (AAAG). Séguenlle, con cinco nomeamentos, as obras 'Bailar Agora', de Marta Alonso Tejada; 'Dreaming Juliet', de Elefante Elegante; e '32m2', de ButacaZero.
De tal forma, competirán polo galardón a mellor espectáculo: 'A lingua das bolboretas'; 'Dreaming Juliet'; 'Bailar Agora'; e 'Microspectivas dun marica millenial', obra de Incendiaria. Os finalista en espectáculo infantil son: 'Os nenos da varíola', de Pérez&Fernández; 'Ris Nivel', de Baobab Teatro; e 'Lázaro de Tormes', de Pedras de Cartón.
Un total de 13 espectáculos competirán para facerse con algún premio na María Casares, que se entregarán o 9 de setembro no TeatroRosalía Castro da Coruña.
