Por E.P. | SANTIAGO DE COMPOSTELA | 01/07/2021 | Actualizada ás 18:36
Gadisa desembarca en Madrid, onde inaugurou --en Collado Villalba-- o seu primeiro Claudio Express, a décimo cuarta apertura dun establecemento franquiciado no actual exercicio.
Así, a empresa alcanza 207 puntos de venda, dos que 121 operan baixo a insignia Claudio e 86 son Claudio Express. Están situados nas comunidades autónomas de Galicia, Castela e León, Asturias e Madrid.
Segundo informa a compañía, a apertura do Claudio Express supón a creación de catro empregos directos, que se suman aos case 900 que proporciona na súa totalidade a rede de establecementos franquiciados.
O novo punto de venda de Collado Villalba está situado na estación de servizo Shell, na parcela 29 da rúa Escofinas do polígono industrial.
O complexo está integrado por gasolineira, boxes, túnel de lavado, cafetaría e o Claudio Express. Cunha sala de vendas de 60 metros cadrados, ofrece máis de 1.000 produtos de alimentación, hixiene e drogaría, con servizo de panadaría tradicional.
Como no resto de establecementos Claudio Express, o horario de atención ao público é de 6,00 a 24,00 horas, os 365 días do ano.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.