Absolven de corrupción de menores a un veciño de Ribeira ao aplicar o eximente de alteración psíquica

A sección sexta da Audiencia Provincial da Coruña, con sede en Santiago, tivo en conta a eximente completa de anomalía ou alteración psíquica para absolver a un veciño de Ribeira de delitos de corrupción de menores e exhibicionismo.

O tribunal impuxo ao acusado o seu internamento nun centro psiquiátrico ou outro centro adecuado para o tratamento da súa enfermidade por un período máximo de cinco anos e, durante o mesmo período, ordenou que se someta a un programa de asistencia psiquiátrica, psicolóxica ou educativa para tratamento da patoloxía que sofre.

Ademais, prohibiulle, durante cinco anos, acudir a ciber locutorios ou a calquera outro local con conexión a internet ou wifi e decretou que se someta a calquera tipo de medida de control ou programa informático que impida que teña acceso a páxinas de contido sexual a través de internet ou outras redes similares.

A Audiencia considerou probado que o trastorno orgánico da personalidade que padece o sospeitoso, xunto co seu déficit intelectual, "anulaban a súa capacidade para percibir a realidade e frear os impulsos en relación cos feitos declarados probados".

O acusado, que foi incapacitado xudicialmente en 2007, ten "as súas capacidades volitivas e intelectivas totalmente anuladas en canto ao impulso sexual en relación con menores", segundo consta na sentenza.

FEITOS PROBADOS

Os maxistrados consideran probado que entre outubro e novembro de 2014 enviou desde a súa dirección de correo electrónico trece arquivos que contiñan vídeos e 32 fotografías de pornografía infantil a un usuario menor de 15 anos, co cal chegou a contactar visualmente a través de Skype e ensinoulle os seus xenitais.

No seu domicilio, situado en Ribeira, os axentes interviñeron material de pornografía infantil que estaba a ser compartido con outros usuarios.

Audiencia Provincial de Xustiza, os seus xulgados na Coruña