Por Europa Press / Redacción | Santiago de Compostela | 09/07/2021 | Actualizada ás 16:47
A Garda Civil destruíu 3.154 armas en Galicia durante o pasado ano 2020, das cales 2.517 eran longas e 509 curtas. Estas actuacións enmárcanse dentro da normativa vixente en España e para sumar ao programa de acción de Nacións Unidas sobre o comercio ilícito de armas pequenas e lixeiras.
Por provincias, segundo os datos facilitados polo Instituto Armado, 2.091 armas foron destruídas na a provincia de Pontevedra, delas 1.639 longas e 356 curtas; e 580 na da Coruña, 470 longas e 110 curtas.
Pola súa banda, na provincia de Ourense foron destruídas en 2020 un total de 483 armas por parte da Garda Civil, delas 409 longas e 43 curtas. Pola súa banda, na de Lugo non se acabou con ningunha.
En total en España a Garda Civil destruíu durante o pasado ano un total de 60.083 armas, entre as cales máis de 49.100 eran de lume, segundo informou o instituto armado este venres.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.