Carmela Silva aposta por un turismo "sustentable e intelixente" traballando en "conxunto" co sector privado
Noutra orde de asuntos, a Deputación de Pontevedra tamén informou este luns de que destina 75.000 euros en axudas aos deportistas da provincia que competirán en Tokio
Por E.P. | PONTEVEDRA | 12/07/2021 | Actualizada ás 20:19
A presidenta da Deputación de Pontevedra, Carmela Silva, defendeu este luns o rigor dos datos a través das novas tecnoloxías e a necesidade do traballo "conxunto" e "sinerxías" entre as administracións públicas e o sector privado para alcanzar un turismo "sustentable e intelixente".
Foi unha das conclusións que expuxo tras o acto de presentación en Sanxenxo dos resultados do informe de monitorización dos indicadores de turismo sustentable levada a cabo neste municipio, un proxecto abordado desde a Sociedade mercantil Estatal para a Xestión da Innovación e das Tecnoloxías Turísticas (Segittur).
No ámbito turístico, precisamente, a xunta de goberno da Deputación pontevedresa informou da concesión de 130.000 euros a 26 entidades de 13 concellos da provincia para impulsar actividades turísticas coas que a institución pretende contribuír a fomentar e profesionalizar este sector.
Noutra orde de asuntos, a Deputación tamén informou este luns de que destina 75.000 euros en axudas aos deportistas da provincia que competirán en Tokio. Así mesmo, trasladou que abre a inscrición para a estrea de 'Depo_Auga', que arrinca o 8 de agosto no río Deva, na Cañiza.
