Por E.P. | Santiago de Compostela | 14/07/2021 | Actualizada ás 14:49
O conselleiro de Sanidade, Xullo García Comesaña, manifestou sobre a reunión do Consello Interterritorial do Sistema Nacional de Saúde (CISNS) que Galicia "non espera ningunha novidade". "Sería unha sorpresa agradable, pero unha sorpresa, que o ministerio tomase algunha medida".
García Comesaña indicou que o que traslada o Ministerio que dirixe Carolinas Darias é que as comunidades teñen "ferramentas" para adoptar medidas.
Con todo, lamentou que se mantén recorrida a lei galega de saúde --no seu apartado segundo do artigo 38--, polo que Galicia "non a pode usar", na súa totalidade, aínda que a Xunta apoiou medidas que afectaron á restrición de dereitos individuais, ratificadas polos tribunais, nesta lexislación vixente salvo no apartado recorrido no TC.
Comesaña tamén puxo o acento en que as medidas que afectan a dereitos como o de reunión ou a mobilidade non teñen o mesmo aval en función do tribunal que decide en cada territorio. As respostas dos tribunais son "variables".
"Veremos que di hoxe o Ministerio, pero non esperamos ningunha novidade; sería unha sorpresa agradable, pero unha sorpresa", remarcou.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.