Presentan as propostas na Coruña para acordar un protocolo e abrir o peirao de Batería
A proposta procura a adecuación e humanización dos terreos ocupados polo peirao de Batería e tamén o proxecto de protocolo para a reordenación do espazo portuario interior coruñés.
Por Europa Press / Redacción | SANTIAGO DE COMPOSTELA | 15/07/2021 | Actualizada ás 21:30
O Concello presentou este xoves na comisión de traballo do porto as súas propostas para avanzar na definición do futuro da fachada marítima.
Segundo informou o Consistorio, presentou a súa proposta de convenio de colaboración coa Xunta de Galicia e a Autoridade Portuaria da Coruña para a adecuación e humanización dos terreos ocupados polo peirao de Batería e tamén o proxecto de protocolo para a reordenación do espazo portuario interior coruñés.
En canto ao proxecto do novo protocolo, propón a creación dun ente público participado polo resto de administracións competentes e tamén a elaboración dun Plan Director que estableza os diferentes usos e nas distintas zonas en virtude da súa natureza.
O Concello participaría na adquisición dos terreos da zona 1 nun 75% do seu valor de tasación a través de achegas periódicas anuais no período entre 2021 e 2035 e o resto de administracións participantes adquiriría o 25% restante.
No caso do convenio, a proposta, esgrime o goberno local, ten como obxectivo garantir o acondicionamento do peirao de Batería para a súa inminente apertura á cidade.
