Sanidade non notifica ningún falecido con covid-19 este sábado

A Consellería de Sanidade non notificou ningún novo falecido este sábado, polo que a cifra de vítimas que deixa a pandemia da covid-19 en Galicia mantense en 2.442. O último óbito rexistrado na Comunidade galega correspóndese coa xornada do venres. En concreto, tratábase dun home de 73 anos que estaba ingresado con coronavirus no Complexo Hospitalario Universitario de Ourense (CHUO) e xa presentaba patoloxías previas.

Conforme foi avanzando o proceso de vacinación, o número de falecidos que se notificaba cada día veu caendo en Galicia, na liña do que sucede no resto do Estado.