Por E.P. | SANTIAGO DE COMPOSTELA | 19/07/2021 | Actualizada ás 12:41
A Xunta renovou este luns un convenio dotado en 30.000 euros para apoiar a Cruz Vermella en materia de salvamento marítimo e na loita contra a contaminación.
A conselleira do Mar, Rosa Quintana, e a presidenta de Cruz Vermella, María Carmen Colmeiro, visitaron, ademais, unha embarcación cedida polo Servizo de Gardacostas de Galicia para os labores de salvamento marítimo de Cruz Vermella.
Así, Cruz Vermella poderá realizar labores como exercicios de adestramento, operacións de procura, salvamento e rescate, servizos de asistencia e remolque de embarcacións e tarefas de apoio en materia de loita contra a contaminación mariña.
María Carmen Colmeiro expresou o seu desexo de "non ter problemas coas lanchas para facer o maior servizo posible ao que se nos necesita". E agradeceu á Xunta o apoio e aos voluntarios o seu labor.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.