Por Europa Press / Redacción | SANTIAGO DE COMPOSTELA | 21/07/2021 | Actualizada ás 13:38
O excalde popular de Coristanco Antonio Pensado, acusado de prevaricación e malversación, negou os feitos durante o xuízo que se celebra na Audiencia Provincial da Coruña e alegou que só asinaba os informes. Segundo recolle o escrito do Ministerio Fiscal, Pensado, que foi rexedor da localidade entre 1991 e 2015, aproveitouse para o seu uso persoal de tres entregas de formigón que ían destinadas a obras municipais no ano 2011 na parroquia de Seavia.
O material foi recibido pola súa esposa e polo seu fillo, que se enfrontan a unha pena de cinco meses de cárcere e 800 euros de multa, ademais dunha inhabilitación para cargos públicos de cinco anos e seis meses.
Ademais, a Fiscalía tamén acusa ao exrexedor de contratar a subministración de gasóleo para as instalacións municipais a un prezo moi superior ao do mercado. Por todo iso, o Ministerio Fiscal pide unha pena de cinco anos de cárcere e 27 de inhabilitación (19 como alcalde ou concelleiro e outro oito para calquera cargo ou emprego público).
OBRA SEN CONTRATO
Durante a súa declaración, Pensado explicou que se contrataba á empresa cando era necesario e a petición deste material non a realizaba el, senón "un funcionario dedicado a esa materia". "Eu como responsable, ao final, asinaba o pago, ordenado sempre polo departamento de intervención que xamais me advertiu de nada", afirma.
Sinala que o seu fillo asinou os albaráns como traballador do concello, aínda que considera "un erro" que a súa muller asinase outro albarán, ao atoparse co camión nunha ocasión, xa que a obra se realizaba preto da súa casa. A Garda Civil dixo no seu informe que nese momento non había ningunha obra na zona. Con todo, Pensando alega que "era unha obra pequena e por iso non había contrato".
Respecto ao tema de gasóleo, o exrexedor de Corintasco sostén que eran os funcionarios públicos os que se encargaban de pedilo e que el só se ocupaba de asinar. Sobre o prezo que se pagou, que foi o triplo, de novo volveu explicar que delegou as funcións dos problemas nunha terceira persoa e que el só se ocupaba de asinar o informe.
A esposa do exalcalde asegura que non lembra asinar o albarán, pero que en caso de facelo, "non o destinou a usos propios". O outro acusado, fillo de Antonio Pensado, recoñece que seguramente asinou os albaranes porque "é parte do seu traballo". Asegura que a empresa de obras públicas pedía o material e logo pasaba a factura ao Concello. Do mesmo xeito que a súa nai, negou utilizar o material para "usos propios".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.