Extremarán os controis a fin de semana para vixiar que se cumpran as medidas contra a Covid-19
Santiago Villanueva apelou á responsabilidade da poboación para evitar que os contaxios pola covid-19 sigan en aumento.
Por Europa Press / Redacción | SANTIAGO DE COMPOSTELA | 23/07/2021 | Actualizada ás 17:59
As forzas de seguridade extremarán os controis este fin de semana en Galicia para para vixiar que se cumpran as medidas adoptadas na loita contra a pandemia.
O director xeral de Emerxencias e Interior, Santiago Villanueva, presidiu a reunión da Sala de Control de Operativos (Sacop) na que participaron representantes das policías locais das principais cidades e localidades de Galicia, así como membros dos outros corpos de seguridade que actúan na comunidade, co fin de coordinar os dispositivos que se van a pór en marcha este fin de semana.
Santiago Villanueva agradeceu ás forzas de seguridade o reforzo da vixilancia e apelou á responsabilidade da poboación para evitar que os contaxios pola covid-19 sigan en aumento.
