Rescatadas seis persoas que ían en dous kayaks á deriva e rodeadas de golfiños fronte ao Monte Louro

A alerta foi dada á primeira hora da tarde.

Por Galicia Confidencial | Muros | 29/07/2021 | Actualizada ás 18:38

Comparte esta noticia

Seis persoas que ían en dous kayaks foron rescatadas este xoves tras quedar á deriba as embarcacións nas que navegaban.

Monte Louro, en Muros
Monte Louro, en Muros

Unha das persoas que ía nos kaiaks avisou ao 112 Galicia sobre as 18,00 horas de que navegaban fronte á praia de San Francisco, en Louro, pero afastáronse da liña de costa do areal e a corrente non lles permitía regresar á beira. Ademais, sinalaba que as embarcacións, nas que viaxaban seis persoas --entre elas, dous menores--, estaban rodeada por varios golfiños.

Así, deuse aviso a Salvamento Marítimo, que mobilizou unha embarcación para acudir ao rescate, así como ao Servizo de Gardacostas de Galicia.

Tamén foron informados os socorristas da praia de San Francisco, a Garda Civil, a Policía Local e Protección Civil de Muros. Todo os ocupantes da embarcación puideron ser rescatados por Salvamento en bo estado.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta