A Xunta demanda ao Goberno que "tome a iniciativa" para ofrecer unha "alternativa industrial" para Alu Ibérica

Francisco Conde ofreceu "toda a colaboración" ao administrador xudicial para que "poida desenvolver o seu traballo".

Por Europa Press / Redacción | A CORUÑA | 29/07/2021 | Actualizada ás 19:25

Comparte esta noticia

O conselleiro de Economía, Empresa e Innovación, Francisco Conde, mostrou "toda a colaboración" da Xunta co Goberno sobre a situación de Alu Ibérica, pero pide ao Executivo central que "tome a iniciativa" para atopar "esa alternativa industrial e ao mesmo tempo ese marco enerxético que é indispensable para que en Galicia se poida producir aluminio primario sendo competitivo a outros países".

Antes da súa reunión coa ministra de Industria, Reyes Maroto, e o comité de Alu Ibérica na Delegación do Goberno na Coruña, dixo que espera ver "que pasos pode dar o Goberno para identificar unha solución industrial".

Conde tamén apuntou a necesidade de "ver o contexto desde o punto de vista do marco enerxético que poida garantir a viabilidade de produción de aluminio primario".

O pasado mércores, a Audiencia Nacional decidiu remover aos administradores ao acordar a administración xudicial para as plantas de Alu Ibérica na Coruña e Avilés, intervidas desde hai meses por ver a xuíza indicios de descapitalización nas sucesivas operacións de venda, de Alcoa a Parter e deste a Grupo Riesgo.

Así, o vicepresidente económico da Xunta ofreceu "toda a colaboración" ao administrador xudicial para que "poida desenvolver o seu traballo" e espera que "tamén sexa así por parte do Goberno".

"Desde ese punto de vista industrial e enerxético, espero que podamos ter despois de dous anos un escenario de futuro e de mantemento de emprego, iso é o que buscamos os traballadores e a Xunta", afirmou o conselleiro sobre a reunión.

PLAN PARA AS PLANTAS

O presidente do comité de empresa de Alu Ibérica, Juan Carlos Pérez Corbacho, aseverou que "teñen claro o que necesitan desde Hai máis de tres anos", polo que espera que o Ministerio de Industria e a Xunta "establezan un plan para que saian as plantas adiante".

"A partir agora, hai que facer un percorrido industrial na planta que garanta o emprego nela, e espero que nos respondan", avisa.

Francisco Conde. MONCHO FONTES
Francisco Conde. MONCHO FONTES

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta