As reservas dos grupos sanguíneos Cero negativo e Cero positivo seguen baixas en Galicia
ADOS lembra que precisan unha media de 500 doazóns diarias para levar a cabo o seu labor asistencial.
Por Europa Press / Redacción | SANTIAGO DE COMPOSTELA | 30/07/2021 | Actualizada ás 17:57
As reservas dos grupos sanguíneos Cero negativo (0-) e Cero positivo (0+) continúan baixas en Galicia, mentres que as da negativo (A-) e A positivo (A+) mantéñense en niveis normais.
A Axencia de Doazón de Órganos e Sangue (ADOS) lembra que os hospitais galegos necesitan unha media de 500 doazóns diarias para levar a cabo adecuadamente o seu labor asistencial.
Co fin de facilitar a doazón o vindeiro luns, 2 de agosto, ADOS desprazará unidades móbiles ás localidades coruñesas de Cedeira, Vimianzo, Fisterra, Ordes e Carnota. Tamén o día 2 enviará ADOS unidades ao municipio lucense de Foz; á cidade de Ourense, así como aos concellos pontevedreses de Marín, Tomiño e Covelo.
