Un xulgado de Ordes, á espera de dilixencias para decidir se procede investigar ao condutor dun atropelo mortal

O Xulgado de Instrución número 1 de Ordes está pendente do resultado dunha serie de dilixencias para decidir se procede ou non investigar á persoa identificada pola Garda Civil como a que conducía o camión que o venres pasado atropelou mortalmente a unha muller nunha área de servizo da AP-9. Así o informaron este martes fontes xudiciais, que puntualizaron que, polo momento, o procedemento non se segue contra esa persoa que conducía o camión.

Este atropelo mortal tivo lugar uns minutos pasadas as 14,40 horas do venres 6 de agosto á altura da área de servizo de Ameixeira, sobre o quilómetro 39 da AP-9 dirección Santiago. Ao lugar Urxencias Sanitarias de Galicia-061 enviou unha ambulancia de Ordes e o helicóptero medicalizado con base en Santiago para atender á muller atropelada. De feito, o tráfico á altura do quilómetro 39 da AP-9 tivo que ser cortado para que aterrase a aeronave. Fontes sanitarias explicaron que o persoal desprazado o lugar do atropelo unicamente puido confirmar o falecemento no punto dunha muller politraumatizada.

Concello de Ordes.