Por E.P. | SANTIAGO DE COMPOSTELA | 10/08/2021 | Actualizada ás 20:03
Hostaleiros celebraron a saída do nivel alto de restricións de Ourense e Santiago a partir do próximo sábado, tras mellorar as súas cifras de incidencia acumulada de Covid, unha medida que cualifican como un "pouco de osíxeno" para o sector.
"É unha moi boa noticia", resumiu o presidente da Federación de Hostalaría de Ourense, Ovidio Fernández, en declaracións a Europa Press, despois de que a evolución epidemiolóxica permita relaxar as restricións.
Así, apunta que o movemento turístico "notouse" e, aínda que recoñece que queda "pouco tempo" para que conclúa a época estival, incide nas vantaxes que terá para o sector a medida.
Ao fío diso, lembra tamén a importancia de estar en ano Xacobeo ante a chegada de máis turistas por este motivo. "Con estancias máis longas", sinala situándoas no caso desta provincia entre dúas ou tres días. "Dubido que en Ourense este verán salga mal".
Mentres, desde Hostalaría Compostela, o seu presidente, Thor Rodríguez, manifesta que é "un respiro". "Un pouco de osíxeno para un sector que o está pasando mal". "Esperemos que sexa a última vía de restricións e que se logre unha estabilidade", afirma ante o que cualifica tamén como "moi boa noticia".
Con todo, volve demandar ás administracións que as medidas que se adopten en relación aos peches "non sexa por licenzas se non por usos" de forma que aos cafés-bares especiais, os coñecidos como pubs, pero que poden servir tanto bebidas á tarde como ata a madrugada, poidan abrir.
MEDIDAS "MOI RESTRITIVAS"
Á súa vez, o vicepresidente de Hostalería Federada Galega (Hosfega), Sergio Fernández, cualifica de "certo alivio" o anuncio realizado este martes, pero lamenta a situación da hostalaría no resto da comunidade autónoma. "Estamos a ver moi restritivas as medidas en xeral en toda Galicia".
En particular, cuestiona a metodoloxía empregada co pasaporte Covid. "Non estamos en contra del, pero non é de recibo que o hostaleiro teña que exercer o control". Así, considera que se atribúe ao sector "un traballo que non lle corresponde". "Son 17 meses sufrindo a hostalaría todos os males", incide, ademais, sobre a situación deste colectivo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.