A UPG homenaxea a Reboiras proclamando a "fidelidade á independencia da Galiza pola que entregou a súa vida"

A organización considera que o seu militante desenvolveu "un labor esencial na loita política e na autoorganización do povo galego"

Por Galicia Confidencial | SANTIAGO DE COMPOSTELA | 12/08/2021 | Actualizada ás 22:15

Comparte esta noticia

O 12 de agosto de cada ano a Unión do Povo Galego (UPG) conmemora o aniversario do asasinato en 1975 do seu militando Xosé Ramón Reboiras Noia "por disparos da policía española" nun portal da Rúa da Terra, en Ferrol.

Homenaxe a Moncho Reboiras
Homenaxe a Moncho Reboiras | Fonte: galiza.indymedia.org

Desde a organización explican que a firmeza coa que afrontaron a "loita por unha Galicia soberana e socialista" foi o motivo polo que se perseguiron aos militantes de UPG e polo que asasinaron ao seu dirixente, Moncho Reboiras. "Tiña 25 anos cando a vida lle foi arrebatada polo terror fascista e desenvolveu un labor esencial na loita política, no combate ideolóxico e, especialmente na autoorganización do povo galego", explica a UPG nun comunicado. 

Indica que a súa figura foi "unha peza fundamental" na constitución do Sindicato Obreiro Galego e que traballou "incandablemente" para dotar de medios e infraestruturas que permitiran "máis capacidade na loita política por un futuro de liberdade e soberanía para a nosa Patria". 

Este ano, logo de 46 anos da súa morte, desde o partido queren amosar o seu "firme e activo compromiso militante e a nosa fidelidade á causa da independencia nacional de Galicia, á que o noso camarada entregou a súa vida". Tamén destacan que buscan ensinar o labor "fundamental" do militante para finalizar o comunicando indicando que a autoorganización é "o labor máis importnate que temos por diante porque é a ferramenta básica para que poidamos enfrontar con decisión o camiño da nosa liberdade". 

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta