Por Galicia Confidencial | Madrid | 24/08/2021 | Actualizada ás 21:15
Correos publicou este martes a información final de persoas admitidas e excluídas, así como os lugares onde se celebrarán as probas de exame o próximo 12 de setembro, para a cobertura de 3.381 postos de persoal laboral indefinido.
Preto de 150.000 persoas inscribíronse para participar neste proceso selectivo que está a desenvolver Correos. As persoas admitidas poden consultar de forma individual o seu estado, a proba ou probas a realizar, a localidade de exame, a aula, espazo e/ou o centro asignados, así como información relevante para o día do exame.
Todos estes datos poderanse consultar en www.correos.com, nos apartado Persoas e Talento/Convocatorias Públicas/Ingreso Persoal Laboral Indefinido 2019. As probas de exame celebraranse o día 12 de setembro de 2021, en 32 localidades de toda España.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.