Por X.M. Fernández | Allariz | 26/08/2021 | Actualizada ás 09:00
Durante estes dous días que durará a campaña "Allariz é oportunidade", os clientes poderán atopar estupendas ofertas e descontos dunha gran variedade de produtos que inclúen moda, calzado, deportes, roupa infantil, complementos e librerías, entre outros.
Os establecementos que participan procederán a facer liquidación do stock da tempada de verán e os clientes que merquen durante estes días entrarán nun sorteo de tres talóns con vales para mercar nestes comercios.
María López, Concelleira de Promoción Económica, Comercio e Turismo quixo agradecer, ás persoas que conforman o sector, a súa implicación e compromiso durante estes complexos momentos. Así mesmo, resaltou "o valor e a responsabilidade que compartimos no cometido de lograr facer de Allariz un lugar atraente para vivir e para visitar" e sinalou "a importancia de dar apoio, entre todos, ao comercio local, tendo en conta a complicada situación pola que os comerciantes pasaron e están a pasar durante estes tempos de pandemia".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.