Detido un pasaxeiro dun bus en Ourense por causar problemas e ter unha orde de ingreso en prisión

Axentes da Policía Local detiveron na tarde do mércores a un pasaxeiro dun autobús urbano tras xerar problemas durante a ruta e constatarse que tiña unha orde de ingreso en prisión, segundo informa o consistorio.

Os feitos tiveron lugar sobre as 19,30 horas na Granxa. O detido é un home, de 36 anos, e veciño de Ourense, precisan sobre o mesmo.

Os axentes trasladáronse tras recibir o aviso sobre problemas cun viaxeiro da liña de autobús urbana que vai a Santa Mariña. Tras identificar a esta persoa compróbase que sobre a mesma existe unha orde de ingreso en prisión.

A Policía Local detén unha persoa | Fonte: POLICÍA LOCAL DE POIO