Por Europa Press / Redacción | SANTIAGO DE COMPOSTELA | 29/08/2021 | Actualizada ás 12:54
Os usuarios contaxiados en residencias de maiores baixaron a 110 tras negativizarse o caso activo que quedaba no centro Val de Monterrei.
Tal e como informou o Sergas, o total de casos activos en residencias complétase con 72 infeccións no centro das Gándaras, 20 na residencia García Irmáns de Betanzos, catro na de Santa Marta de Vigo e 11 na RM e Apt. San Vitorio de Baralla.
Ademais, aínda queda un caso activo na residencia Santo Estebo de Perlío (Fene), outro na de Ribadeo, e un máis na residencia Someray de Pontevedra.
CENTROS DE DISCAPACIDADE
Con respecto aos centros de discapacidade, o número de total de usuarios contaxiados mantense en 51, con 48 usuarios contaxiados no Centro de Atención a Persoas con Discapacidade (CAPD) de Chapela-Redondela, e outro tres usuarios no Fogar e Clínica San Rafael de Vigo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.