Galicia seguirá con temperaturas suaves na xornada do sábado

Galicia estará entre altas e baixas presións, con réxime de ventos do sur, nesta xornada do sábado, segundo informa Meteogalicia, que explica que comezará o día con bancos de néboa e nubes baixas.

Co avance do mesmo, os ceos quedarán pouco anubrados con intervalos de nubes altas. O vento soprará frouxo de compoñente sur e as temperaturas non terán cambios significativos. As temperaturas máximas estarán enre os 21 graos da Coruña e os 22 de Vigo, os 23 de Ferrol, Santiago de Compostela e Pontevedra e os 26 graos de Lugo. Ourense será de novo a que rexistre as temperaturas máis altas, con 29 graos.

Predicións meteorolóxicas para o sábado, 4 de setembro. METEOGALICIA | Fonte: Europa Press