G. Caballero denuncia as mentiras de Feijóo sobre o baleirado de encoros e esixe explicacións
Por E.P. | SANTIAGO DE COMPOSTELA | 06/09/2021 | Actualizada ás 12:00
O secretario xeral do PSdeG, Gonzalo Caballero, asegurou este luns que o presidente da Xunta, Alberto Núñez Feijóo, "enganou aos galegos" sobre o baleirado de encoros e esixiulle que de explicacións.
O xefe de filas dos socialistas galegos sinalou que "se evidenciou" que "tiña coñecemento do baleirado" e, a pesar diso, "non tomou ningunha medida". "E agora anuncia medidas de rectificación de todo o que non fixeron en semanas", censurou.
Nesta liña, incidiu en que Feijóo "non dixo a verdade" e que a Consellería de Medio Ambiente tampouco "tomou ningunha medida". "Agora parece que a Xunta se deu conta de que estaba informada, de que tiña a posibilidade de tomar medidas para frear ou sancionar ese tipo de formulacións", manifestou Gonzalo Caballero, que criticou que o Goberno non o fixese e "agora tente buscar unha escapada para diante".
"Feijóo debe dar unha explicación", incidiu para subliñar que é "grave" que o presidente da Xunta dixese que "non tiña coñecemento" de que as concas galegas estaban a ser baleiradas cando "si" o tiña. Ademais, tamén censurou que "descoñecese" que ten mecanismos para "abrir sancións" e que agora teña que facelo "tarde, mal e arrastro".
