Por Europa Press / Redacción | SANTIAGO DE COMPOSTELA | 12/09/2021 | Actualizada ás 20:21
A Consellería de Sanidade informou de que nas últimas horas non faleceu ningunha persoa con covid-19. Deste xeito, este domingo é o primeiro día en case dous meses, desde o 21 de xullo, que isto non ocorre.
Así, a cifra de vítimas mortais que deixa a pandemia do coronavirus na Comunidade galega mantense en 2.604. Os últimos falecidos, notificados por Sanidade este sábado, eran un home de 49 anos que estaba ingresado no Complexo Hospitalario Universitario da Coruña (Chuac) e outro de 90 no Complexo Hospitalario Universitario de Ourense (CHUO).
Desde o 21 de xullo, nas primeiras semanas da quinta onda da pandemia, e ata este domingo 12 de setembro Galicia rexistrou mortos practicamente de maneira diaria. O día que máis falecementos notificou a Xunta este verán foi o 2 de agosto, un total de 10.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.