Por X.M. Fernández | Verín | 17/09/2021 | Actualizada ás 09:00
Outubro comeza en Verín coa celebración das IV Xornadas de Novela Histórica e farao baixo o título de "Mulleres na Historia". O encontro estará presentado polo prestixioso sociólogo, antropólogo e escritor Manuel Mandianes Castro, e nel citaranse escritoras de primeiro nivel como son: Rosario Raro, Eva Díaz, Luz Gabás ou María Solar.
Atentos e atentas, pois, aos vindeiros 1 e 2 de outubro, días nos que a Biblioteca do Concello de Verín organiza estas xornadas que estarán coordinadas por José Luís Corral e José Calvo Poyato, autores de multitude de novelas históricas e considerados dos máis grandes no xénero. As dúas xornadas, ademais das intervencións literarias correspondentes, haberá un acompañamento musical a cargo de Lourdes Olbés, violinista galega de primeiro nivel.
O evento contará cun estrito protocolo de seguridade anticovid-19, e as persoas interesadas en adquirir as entradas para o mesmo poderán facelo, de maneira gratuíta, a través da web de ataquilla.com.
O programa completo das xornadas atoparédelo AQUÍ.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.