O Concello da Coruña convoca unha concentración de repulsa polo asasinato dunha muller
A Policía busca a súa parella.
Por E.P. | A CORUÑA | 16/09/2021 | Actualizada ás 11:50
O Concello da Coruña convocou este xoves unha concentración, na praza de María Pita, en sinal de condena e rexeitamento pola morte dunha muller esta madrugada, presuntamente asasinada pola súa parella.
Segundo informou o consistorio, será unha concentración silenciosa de cinco minutos, a partir das 13,30 horas, para trasladar a repulsa e rexeitamento aos feitos, ocorridos esta madrugada no barrio do Birloque.
Foi o fillo da muller quen, ao regresar do traballo, alertou á Policía Nacional de que se atopou o corpo da súa nai, con feridas de arma branca. Tamén explicou que nos días previos ela e a súa parella tiveran unha discusión. O home, en busca e captura, ten 48 anos e a muller, de 52 anos, rexentaba unha panadaría na zona.
