Por Europa Press / Redacción | SANTIAGO DE COMPOSTELA | 17/09/2021 | Actualizada ás 17:41
O exceso de horas de traballo, con semanas laborais de máis de 55 horas nalgúns países, é o principal motivo de mortalidade laboral no mundo, con 744.924 falecidos en 2016, segundo os datos do informe elaborado pola Organización Internacional do Traballo (OIT) e a Organización Mundial da Saúde (OMS), publicado este venres.
No caso concreto de España, a cifra de mortes en 2016 por exceso de horas de traballo ascendeu a 856, sobre un total de 9.186 falecidos por causas relacionadas co traballo, segundo os datos de ambas as institucións. En total, 1.879.890 persoas faleceron en 2016 en todo o mundo por como consecuencia da súa actividade laboral, como conclúe o informe global da OIT e da OMS.
Ademais do exceso de horas de traballo, entre as principais causas de mortalidade laboral tamén están a exposición a materias, gases e fumes, e os accidentes de traballo. Os problemas de saúde máis frecuentes relacionados con estas causas son a obstrución crónica pulmonar, derrames e enfermidades cardíacas.
O informe da OMS e a OIT sostén que as lesións laborais causaron o 18% das mortes (360.000 mortes) en 2016, o que implica que as enfermidades relacionadas co traballo son catro veces máis letais que os accidentes laborais. O director xeral da OMS, Tedros Adhanom Ghebreyesus, cualificou como "chocante" que o traballo sexa a causa da morte de centos de persoas.
"O noso informe é unha chamada de atención aos países e ás empresas para que melloren e protexan a saúde e a seguridade dos traballadores cumprindo os seus compromisos de proporcionar unha cobertura universal de servizos de saúde e seguridade no traballo", agregou durante a presentación do informe.
AS MORTES QUE NON SE VEN
O informe publicado este venres recolle por primeira vez datos oficiais e comparables sobre as mortes por enfermidade de orixe laboral en España. O documento estima 9.186 mortes laborais en España durante2016, un 60% máis das que se notificaron oficialmente. O director da Oficina da OIT para España, Joaquín Neto, asegurou que estas cifras "tan impactantes obrigan a actuar".
"Haberá que revisar e actualizar as políticas preventivas e adoptar a través do diálogo social unha nova axenda para resolver esta situación. España terá que revisar a fondo a situación de subregistro das enfermidades laborais e mortes asociadas", engadiu.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.