Morre unha conductora cando circulaba co seu coche polo centro de Ourense

Unha muller de 74 anos de idade faleceu esta mañá despois de sufrir unha indisposición mentres circulaba co seu vehículo na cidade de Ourense, segundo indicaron fontes policiais.

Segundo puido saber Efe, até o lugar desprazáronse os servizos sanitarios cunha ambulancia medicalizada e estiveron varios minutos tentando reanimala. Finalmente, só puideron certificar a súa morte.

O suceso tivo lugar ao fío das 11:30 horas desta mañá, á altura da rúa Mestre Vide, fronte á Comisaría da Policía Nacional, e efectivos policiais procederon a acordoar a zona.