Optimismo entre a familia da moza agredida por outro menor no Carballiño despois de saír do coma

Dada a conxuntura, os médicos trasladáronlles que é aínda cedo para coñecer o alcance das lesións que afectaron á cadeira, a columna e a cabeza maioritariamente.

Por Europa Press / Redacción | SANTIAGO DE COMPOSTELA | 22/09/2021 | Actualizada ás 20:53

Comparte esta noticia

A familia da menor agredida no Carballiño por outro menor trasladou que a moza "espertou oficialmente", o que os mantén "optimistas". A moza pasou dúas semanas en coma tras ser agredida por un amigo seu que afirmou que "quería saber o que sentía ao matar".

"Espertou oficialmente hai uns días. Segue moi, moi mal fisicamente pero mantémonos optimistas", afirmou a irmá maior da vítima e portavoz da familia, quen se mostrou convencida de que, "se superou as 72 horas que dicían os médicos, seguirá rompendo os esquemas".

Dada a conxuntura, os médicos trasladáronlles que é aínda cedo para coñecer o alcance das lesións que afectaron á cadeira, a columna e a cabeza maioritariamente.

Ademais, a familia da menor convocou unha concentración para o próximo día 30 de setembro, xoves, ás 19,30 horas diante da Subdelegación do Goberno en Ourense, para manifestar a repulsa ao acto e pedir un cambio na Lei do menor coincidindo cos aniversarios da nena que fará 14 anos.

"Non poderá celebrar os seus aniversarios pero nós podemos regalarlle o noso apoio mentres ela loita desde o hospital", aseveran. Ademais piden que "se siga propagando a noticia e loitando por un cambio para que ningunha nai teña que volver pasar polo mesmo". Para iso teñen aberta unha campaña en Change.org solicitando a reforma da lei que xa supera as 9.900 firmas.

Edificio desde o que se precipitou unha moza do Carballiño, agredida por outro menor.. Rosa Veiga - Europa Press
Edificio desde o que se precipitou unha moza do Carballiño, agredida por outro menor.. Rosa Veiga - Europa Press | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta