Por Europa Press / Redacción | Santiago de Compostela | 23/09/2021 | Actualizada ás 11:01
Galicia arrinca o outono cun descenso dos indicadores da pandemia ao reducirse a 53 os novos contaxios de Covid-19 --unha trintena menos que a xornada anterior--, a 62 os pacientes hospitalizados --17 menos-- e a 1.677 os casos activos --142 menos--. Ademais, a taxa de positividade baixa a un 1,78 por cento.
Segundo os datos actualizados pola Consellería de Sanidade este xoves, con rexistros ata as 18,00 do mércores, redúcense a 19 as persoas hospitalizadas en UCI pola Covid --catro menos-- e a 43 as que se atopan noutras unidades --13 menos--. Mentres, hai 1.615 pacientes en seguimento nos seus domicilios.
A presión hospitalaria alíviase nas sete áreas sanitarias galegas. En concreto, na da Coruña e Cee redúcense a catro os pacientes Covid en UCI --catro menos-- e a nove os ingresados noutras unidades --cinco menos--, mentres que na de Ourense seguen cinco en críticos e descenden a seis os doutras unidades --dous menos--.
A área de Vigo conta con tres pacientes en UCI --un menos-- e dous noutras unidades --un menos--; mentres que na de Lugo baixan a dous os críticos --un menos-- e continúan 13 noutras unidades de hospitalización.
Polo seu lado, na de Santiago e Barbanza aínda que hai unha persoa máis ingresada en UCI --ascenden a tres--, baixan a seis os hospitalizados noutras unidades --dous menos--; e na de Ferrol mantense sen críticos e descenden a dous os doutras unidades --un menos--.
E na área sanitaria de Pontevedra e O Salnés aínda que aumentan a dous os pacientes Covid ingresados en UCI --un máis--, descenden a cinco os hospitalizados noutras unidades --dous menos--.
MENOS CASOS ACTIVOS
Os casos activos de Covid-19 manteñen a tendencia descendente en Galicia e caen ata os 1.677, que implican 142 menos que a xornada anterior, despois de haber de novo máis altas (193) que contaxios (53), ao que se engaden os falecementos.
Deste xeito, a Galicia segue por baixo dos 2.000 casos activos de Covid-19 no inicio do outono, como en niveis do pasado mes de xuño --o día 28 dese mes había 1.653 infeccións--. Por áreas sanitarias, as infeccións activas descenden nas sete, coa da Coruña e Cee á cabeza (-36), seguida da de Vigo (-26), Santiago e Barbanza (-23), Lugo (-21), Pontevedra e O Salnés (-17), Ourense (-15) e Ferrol (-4).
Así, con máis casos activos de Covid-19 segue a da Coruña e Cee, con 426; seguida da de Lugo, con 322; a de Vigo, con 318; Santiago e Barbanza, con 241; Ourense, con 210; Pontevedra e O Salnés, con 113; e á cola mantense Ferrol por baixo do centenar, con 47.
BAIXADA DE CONTAXIOS
Os contaxios de Covid-19 descenderon ata os 53, que supoñen 31 menos que os 84 detectados este mércores; tras os 48 do martes e 61 do inicio da semana, polo que arrincan o outono por baixo do centenar.
Os positivos con probas de diagnóstico de infección activa confirmados nas últimas 24 horas ascenderon a 54, que implican 32 máis que a xornada pasada. Do total, 13 corresponden á área de Vigo; outros 13, á da Coruña e Cee; nove, á de Santiago e Barbanza; oito, á de Ourense; catro, á de Lugo; outro catro, á de Pontevedra e O Salnés; e tres, á de Ferrol.
Por tanto, os contaxiados de Covid-19 en Galicia ascenden a 181.965, dos cales 42.999 corresponden á área da Coruña e Cee; 37.547, á de Vigo; 26.910, á de Santiago e Barbanza; 21.644, á de Ourense; 21.388, á de Pontevedra e O Salnés; 19.860, á de Lugo; e 11.617, á de Ferrol.
En canto á taxa de positividade das probas PCR --número de infeccións detectadas cada 100 test-- descendeu a un 1,78% tras aumentar un 2,8% o día anterior, despois de situarse nun 2,7% o martes e iniciar a semana nun 1,5%. Por tanto, mantense por baixo do 5% que a OMS determina como limiar para considerar controlada a pandemia.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.