O Sergas habilita 15 puntos de vacinación libre para acudir sen cita ou autocita
Será entre este sábado, día 25, e o xoves 30 de setembro.
Por Europa Press / Redacción | Santiago de Compostela | 24/09/2021 | Actualizada ás 17:11
O Servizo Galego de Saúde (Sergas) habilitará 15 puntos de vacinación libre nas sete áreas sanitarias galegas para acudir sen cita ou con autocita para recibir a inoculación da dose contra a Covid-19. Segundo informou a Consellería de Sanidade, a Xunta levará a cabo a vacinación libre contra a Covid-19 entre este sábado, día 25, e o xoves 30 de setembro.
En concreto, na área de Vigo a partir deste sábado a poboación que estea sen vacinar poderá facelo sen cita no Hospital Álvaro Cunqueiro en horario de 9,00 a 21,00 horas. De modo simultáneo, mantén tamén o modelo de autocita.
Pola súa banda, para vacinación libre a área compostelá habilita os hospitais Clínico en Santiago e o do Barbanza en Ribeira de 9,00 a 21,00 horas de sábado a xoves con autocita.
Na da Coruña e Cee estarán habilitación para vacinación libre, segundo indica a Consellería de Sanidade, Ifeco este sábado de 9,00 a 21,00 horas; e o Hospital de Oza a partir do domingo. A estes espazos súmase desde o día 25 o Hospital Virxe da Xunqueira de Cee.
Na área sanitaria de Ferrol do 25 ao 30 de setembro haberá dispoñible para vacinación libre o Centro de Especialidades do Hospital Arquitecto Marcide --primeira planta--.
Na de Pontevedra e O Salnés do 25 ao 30 de setembro pódese acudir a vacinarse sen cita no Recinto Feiral da cidade do Lérez e en Fexdega en Vilagarcía de Arousa.
Na área de Lugo a vacinación libre estará dispoñible do sábado ao xoves no Hospital Universitario Lucus Augusti --cuarta planta-- e o día 25 no IES Río Cabe e do 26 ao 30 no Hospital Público de Monforte de Lemos --planta 0--.
Así mesmo, a área ourensá facilitará a vacinación libre contra a Covid-19 do 25 ao 30 de setembro no Hospital Universitario de Ourense, así como nos centros hospitalarios públicos de Verín e O Barco.
