Por Europa Press / Redacción | Santiago de Compostela | 27/09/2021 | Actualizada ás 19:04
A Asociación Forestal de Galicia (Asefoga) ultima un estudo no que se recolle a "grave ameaza" para a biodiversidade que supón a presenza en Galicia da especia invasora da avespa velutina.
Así, apúntase a que a súa alimentación se basea fundamentalmente na fauna local de insectos, de maneira que se pon en risco a súa acción polinizadora, que é "indispensable" para a produción mundial de alimentos.
Así mesmo, o estudo sinala que as raíñas velutinas teñen unha capacidade para voar ata 30 quilómetros ao día. No caso das obreiras, adoitan desprazarse menos de dous quilómetros por día, pero poden regresar ao niño desde distancias de menos de cinco quilómetros.
Os indicios indican que a tamén coñecida como avespa asiática chegou a Europa nunha carga de produtos hortícolas procedentes de China, a cal desembarcou no porto de Bordeos (Francia). Desde alí, pasou a países limítrofes e alcanzou o norte peninsular.
Ademais, a velutina "ten unha alta capacidade de reprodución". Do total de raíñas fundadoras, o 60% ten éxito á hora de sacar adiante unha colonia. Por iso, cada raíña fundadora pode producir entre 200 e 500 novas raíñas ao ano, o que dá lugar a un crecemento exponencial.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.