Desaloxados sen incidentes catro aglomeracións fronte a pubs en Santiago
A Policía Local tamén acudiu a cinco pisos pola celebración de festas.
Por E.P. | SANTIAGO DE COMPOSTELA | 30/09/2021 | Actualizada ás 16:51
A Policía Local desaloxou durante a madrugada deste xoves catro aglomeracións de persoas concentradas fronte a diferentes locais de lecer nocturno composteláns.
Segundo o informe do corpo de seguridade, controláronse aglomeracións nas rúas Alfredo Brañas e en Praza Roxa "pola saída de persoas ao peche de locais de lecer nocturno".
Ademais, ás 3,00 horas, a Local desaloxou "de forma pacífica" a unhas 300 persoas concentradas fronte a unha discoteca na rúa de Curros Enríquez. Quince minutos máis tarde, ás 03,15 horas, disolveuse tamén outra concentración, "sen novidade", de ao redor de 75 persoas fronte a un local da zona do Cantón de San Bieito.
Por outra banda, a Policía Local acudiu a cinco pisos pola celebración de festas, unha con resultado negativo.
