A caída dunha árbore en Brión provoca a morte dun mozo
Os efectivos do 061 mobilizáronse ao lugar para socorrer ao ferido, que foi evacuado en ambulancia a un centro médico.
Por E.P. | SANTIAGO DE COMPOSTELA | 30/09/2021 | Actualizada ás 20:44
Un mozo morreu este xoves ao caerlle unha árbore encima mentres realizaba tarefas forestais nas inmediacións da estrada que une Brión (A Coruña) e a sede de Feiraco.
Diso informou o CIAE 112 Galicia, que recibiu unha chamada alertando do sucedido ao redor das 13,45 horas deste xoves.
O helicóptero medicalizado de Urxencias Sanitarias 061 desprazouse ao lugar do accidente, a parroquia de Ons do termo municipal de Brión, para atender á vítima.
Con todo, a pesar dos esforzos dos profesionais sanitarios, o mozo faleceu no lugar.
Ademais, tamén na tarde deste xoves, outro home necesitou atención médica ao sufrir un accidente similar mentres traballaba nunha leira particular da parroquia de San Vicente do Grove.
Os efectivos do 061 mobilizáronse ao lugar para socorrer ao ferido, que foi evacuado en ambulancia a un centro médico.
